Stefnumál flokksins í Reykjavík

FÓLKIÐ FYRST

Flokkur fólksins leggur höfuðáherslu á fjölskylduna og fólkið sem byggir borgina

LEIK- OG GRUNNSKÓLINN

Börnin eru fjársjóður framtíðar

Við viljum

• Gefa foreldrum val á að vera lengur heima með barni sínu með því að greiða foreldri sömu upphæð og borgarsjóður greiðir nú fyrir barnið hjá dagforeldri. Þannig viljum við brúa bilið frá því að töku fæðingarorlofs lýkur þar til barnið hefur náð allt að tveggja ára aldri.
• Gjaldfrjálsar máltíðir í grunnskólum.
• Gjaldfrjáls frístundaheimili fyrir efnaminni foreldra.
• Mæta námsþörfum allra barna án tillits til færni og getu með því að stuðla að fjölbreyttum skólaúrræðum.
• Að leita leiða til að vinna gegn einelti m.a. með fræðslu, verkefnum og námskeiðum
• Styrkja þjónustumiðstöðvar borgarinnar til að fjölga sálfræðingum í skólum.
• Að sérhver leik- og grunnskóli hafi aðgang að talmeinafræðingi.

Byggjum börnunum okkar bjarta framtíð

HÚSNÆÐI

Öruggt skjól fyrir alla

 Við viljum

• Afnema lóðaskort
• Vinda ofan af núverandi okri á lóðasölu borgarinnar og gefa einstaklingum og fjölskyldum tækifæri til að kaupa sér lóð og eignast framtíðarheimilið
• Stuðla að auknu framboði á hagkvæmu húsnæði fyrir efnaminna fólk
• Samvinnu við ríki og lífeyrissjóði til að koma á fót öflugu félagslegu húsnæðiskerfi.

ALDRAÐIR

Hagsmunafulltrúi fyrir aldraða

Hlutverk hans er

• Að byggja öflugt heildstætt kerfi sem heldur utan um aðhlynningu og aðbúnað aldraðra.
• Að sjá til þess að húsnæði, heimahjúkrun, dægradvöl og heimaþjónusta sé fullnægjandi.
• Að tryggja að unnið sé samkvæmt viðurkenndum manneldismarkmiðum og hollustu í fæðuvali á hjúkrunarheimilum og þjónustumiðstöðvum.

Tryggjum öldruðum áhyggjulaust ævikvöld

ÖRYRKJAR

Rétturinn til að lifa með reisn

Við viljum

• Tryggja öryrkjum jafnræði á við aðra á öllum sviðum samfélagsins.
• Aðgengi fyrir alla samkvæmt sáttmála Sameinuðu þjóðanna um réttindi fatlaðs fólks.
• Leita allra leiða til að koma til móts við þá sem hafa vilja og getu til að vera virkari í samfélaginu.
• Að öll fötluð börn fái fullnægjandi þjónustu í samræmi við fötlun sína.

Tryggjum öryrkjum jafnræði án mismununar

SAMGÖNGUR

Greiðum götur borgarbúa

Við viljum

• Virða ákvörðun þeirra sem kjósa að nota fjölskyldubíl
• Draga úr umferðaröngþveitinu í borginni, til dæmis með því að fjölga göngubrúm í stað gönguljósa og með gerð mislægra gatnamóta við Sprengisand.
• Við viljum styrkja og efla núverandi almenningssamgöngur.
• Hreinar og heilar götur sem eru lausar við svifryk og mengun.

Flokkur fólksins setur fólkið í fyrsta sæti